Өнөөдөр АН-аас хийсэн "4/11" мэдээллийн цагийн үеэр УИХ-ын гишүүн Л.Мөнхбаясгалан нэг эзэнтэй 13 компани 18 тэрбум төгрөгийн улаанбуудайн урамшуулал авсан гэх ноцтой мэдээллийг танилцуулсан. Энэ мэдээлэл даваа гарагт болсон сонсголын үеэр ч хөндөгдсөн юм.

Сануулахад, Засгийн газрын 2007 оны 227 дугаар тогтоолоор буудайн урамшууллыг дэмжих, дотоодын гурилын хангамжийг нэмэгдүүлэх зорилгоор хэрэгжүүлж эхэлсэн байна. Улмаар 2008-2025 оны хугацаанд 279.9 тэрбум төгрөгийг давхардсан тоогоор 11 мянга 829 иргэн, аж ахуйн нэгжид олгожээ. Тэгвэл эх сурвалжийн мэдээлснээр, дээр дурдсан нэг эзэмшигчтэй 13 компани нь "Гацуурт"-ын гэх тодотголтой Л.Чинбатын хамаарал бүхий компаниуд байна.

Тодруулбал,

-"Сэлэнгэ Алтанговь" ХХК, /Л.Чинбат охин Ч.Номинтой хамтран эзэмшдэг/

-"Баяндулаан-Уул" ХХК, /Л.Чинбат Т.Энхтуяатай хамтран эзэмшдэг/

-"Шаргал тариа" ХХК, /Л.Чинбат Д.Нямдорж нар хамтран эзэмшдэг/

-"Сэлэнгэ тос" ХХК, /Л.Чинбат нь Н.Наранчимэг, Ц.Батбуян нартай хамтран эзэмшдэг/

-"Гацуурт" ХХК, /Л.Чинбатын эзэмшлийн/

-"Гацуурт хүнс" ХХК, /Л.Чинбатын эзэмшлийн/

-"Виго буудай" ХХК, /Л.Чинбат, П.Оюунгэрэл нар хамтран эзэмшдэг/

-"Монгол ангус" ХХК,

-"Скрин" ХХК, /Л.Чинбат Б.Эрдэнэбаатар нар хамтран эзэмшдэг/

-"Сэлэнгийн тариалан" ХХК, /Л.Чинбат нь хүү Ч.Батхүүтэй хамтран эзэмшдэг/

-"Халимаг" ХХК,

-"Хандгайт-Уул" ХХК, /Л.Чинбат нь Д.Нарангэрэл тэргүүтэй гурван хүнтэй хамтран эзэмшдэг/

-"Номгон буудай" ХХК /Л.Чинбат нь Х.Бямбажав, Г.Ариунболд, Ш.Норовсамбуу нартай хамтран эзэмшдэг/

OPENDATA буюу нээлттэй өгөгдлийн сангаас Л.Чинбатын эзэмшдэг болон хамаарал бүхий компаниудын мэдээллийг харах боломжтой.