Үйлдвэржилтийн бодлогын байнгын хорооны хуралдаан өнөөдөр боллоо. Хуралдаанаар “Онцгой дэглэмийн хугацааг сунгах тухай“ Монгол Улсын Их Хурлын 2023 оны 28 дугаар тогтоолын хэрэгжилтийн талаар мэдээлэл сонссон юм. Энэ үеэр УИХ-ын гишүүн Г.Амартүвшин "Жилд 32 хувийн хүү төлдөг оффтэйк гэрээг цуцлах боломжтой юу" хэмээн тодруулахад "Эрдэнэс Тавантолгой" ХК-ийн бүрэн эрхт төлөөлөгч Ж.Ганбат "Оффтейк гэрээнүүдийг өөрчлөх асуудлыг удаа дараа тавьсан. Нүүрс баяжуулах үйлдвэрийг барьж байгаа оффтейк гэрээтэй компанийн төлбөрийг 90 хувийг нь нүүрсээр, 10 хувийг нь мөнгөөр хийх байсныг 70 хувийг нь нүүрсээр, 30 хувийг нь мөнгөөр болгож өөрчилсөн" гэсэн юм.