МАН-ын Удирдах зөвлөл гурван цаг гаруй хуралдаж, улмаар дөнгөж сая дууслаа. Хуралдаанаар гаргасан шийдвэрийг МАН-ын Нарийн бичгийн дарга А.Ариунзаяа танилцууллаа.

Тэрбээр "Хурлаар гурван асуудал хэлэлцсэн. Хотын даргад ХЗДХ-ийн сайд Х.Нямбаатар, Хот хариуцсан сайдад УИХ-ын гишүүн Б.Дэлгэрсайхан, ХЗДХ-ийн сайдад Хууль зүйн байнгын хорооны дарга Б.Энхбаярыг томилохоор улстөрийн шийдвэр гарлаа.

Х.Нямбаатар нь СХД-ээсээ ажлаа эхлүүлж байсан. Дүүрэг, хотын ажлыг сайн мэднэ. ХЗДХ-ийн сайдын үүрэгт ажлыг сайн гүйцэтгэсэн.

Б.Дэлгэрсайхан нь УИХ-ын гишүүнээр хоёр удаа сонгогдсон, хувийн хэвшил болоод төр хоорондын ажлыг сайтар холбох менежер гэж үзсэн" гэлээ.