ЗТХ-ийн сайд С.Бямбацогт цаг үеийн асуудлаар мэдээлэл хийлээ. Тэрбээр "Орон нутгийн замууд муудсанд гурван шалтгаан бий. Нэгдүгээрт, зам чинь хүнтэй адил хөгширч, элэгддэг. Тиймээс засвар арчлалтыг байнга хийж байх ёстой боловч бид түүнийгээ мартчихсан байсан юм билээ. Хоёрдугаарт, чанаргүй зам хийсэн гэх асуудал. Гуравдугаарт, Улаанбаатар хотыг утаагүй болгоно гээд миддлинг тээвэрлэсэн. Өмнөговь, Дундговийн зам дээр даац хэтрүүлж тээвэр хийснээс зам эвдэрсэн. Ийм шалтгаануудаас болж замууд муудсан байна. Хаа сайгүй эвдэрхий зам байна. Засах хөрөнгө алга. Анх удаа 2023 оны төсөв дээр 35 тэрбум төгрөг тавьсан. Гэвч бидэнд замуудаа засахад 2.5 их наяд төгрөг шаардлагатай" гэлээ.