УИХ-ын дарга С.Бямбацогт зээлийн хар жагсаалтын асуудлыг цэгцлэх 30 хоногийн хугацаатай үүрэг өгчээ. Энэ талаар тэрбээр, "И-Монголиа дахь НЭЭЛТТЭЙ ПАРЛАМЕНТ цэсэд иргэдээс Зээлийн мэдээллийн сангийн бүртгэл буюу "хар жагсаалт"-тай холбоотой санал хүсэлт ихээр ирж байна.
Үүнд, бага дүнтэй зээл авсан ч хугацаа хэтрүүлсэн гэх шалтгаанаар 5 жил хүртэлх хугацаагаар зээл авах эрхээ хязгаарлуулсан иргэд олон байна. Тэдний дотор нэг, хоёр зуун мянган төгрөгийн зээл аваад түүнийгээ дараа нь бүрэн төлсөн ч хугацаа хэтрүүлсэн гэх шалтгаанаар ипотекийн зээлд хамрагдаж орон байртай болох хүсэл нь талаар болсон залуу гэр бүл ч цөөнгүй байна.
Иймд зээлийн мэдээллийн хар жагсаалтыг хавтгайруулахгүйгээр, нөхцөл байдлыг ялгаж салган, зээлийн мэдээллийн сангийн журмыг илүү уян хатан болгож, иргэдийн санхүүгийн хүртээмжийг нэмэгдүүлэх чиглэлээр холбогдох байгууллагуудад үүрэг чиглэл өглөө.
Асуудал байгаа бол ард нь ШИЙДЭЛ заавал бий. Хамгийн зөв шийдвэр бол иргэдээ сонсож гаргасан шийдвэр байдаг" гэжээ.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!