Баянзүрх дүүрэгт 2023 онд авто замын нийт 25 төсөл арга хэмжээ хэрэгжинэ. Өөрөөр хэлбэл 27 байршилд богино холболт бүхий 18.9 км авто зам энэ онд хийгдэх юм. Энэ ажлыг хийж хэрэгжүүлэхдээ,

• Түгжрэлийг бууруулах
• Сургууль, цэцэрлэг, эмнэлэг зэрэг төрийн байгууллагуудын хүртээмжийг нэмэгдүүлэх

Баянзүрх дүүргийн “Хөгжлийн зураглал-2030” бодлогын баримт бичигт тусгагдсан зорилтыг баримтлан ажиллаж байгаа. Автозамаас гадна дугуйн болон явган замууд, авто зогсоолын цогц шийдлийг төлөвлөсөн. Дүүрэгт хийгдэж буй голлох авто замуудын нэг, Хөгжлийн зураглал-2030 бодлогын баримт бичигт тусгагдсан Улиастайн бүсийн авто зам дээр өнөөдөр Баянзүрх дүүргийн иргэдийн Төлөөлөгчдийн Хурлын дарга А.Баяр, дүүргийн төлөөлөгч нар болон холбогдох хэлтсийн дарга нар ажиллалаа.

Энэ үеэр "Баянзүрх дүүрэгт хийгдэж байгаа болон цаашид хийхээр төлөвлөж буй ажлыг танилцуулсан юм.

Улаанбаатар хотын автозамын сүлжээтэй уялдуулан Улиастай голын 97.3 у/м төмөр бетон гүүрийн барилга 9, 23, 28 дугаар хороонд баригдана. Мөн хэвтээ тэнхлэгийн нэг замын бий болгож, түгжрэлийг тодорхой хэмжээгээр бууруулах зорилт тавин ажиллаж байна" гэж Баянзүрх дүүргээс мэдээллээ.