Монгол Улсын Ерөнхий сайд Л.Оюун-Эрдэнэ АНУ-ын Дэд Ерөнхийлөгч эрхэмсэг хатагтай Камала Харрисын урилгаар тус улсад албан ёсны айлчлал хийж байна. Айлчлалын хүрээнд Ерөнхий сайд Л.Оюун-Эрдэнэ АНУ-ын Дэд Ерөнхийлөгч Камала Харристай Цагаан ордонд албан ёсны хэлэлцээ хийв. Хэлэлцээний өмнө Монгол, Америкийн Стратегийн түншлэлийн өнөөгийн байдал, харилцаа, хамтын ажиллагааны тэргүүлэх чиглэлийн талаар хоёр орны Засгийн газрын түвшинд анх удаа мэдэгдэл хийсэн байдаг.
АНУ-ын Дэд Ерөнхийлөгч Камала Харрис цахим хуудастаа "Монгол Улс Энэтхэг-Номхон далайн бүс нутагт 30 жилийн турш найдвартай түнш, ардчилсан орон байсаар ирсэн. АНУ-ын аюулгүй байдал, хөгжил цэцэглэлтэд тустай, чөлөөт, нээлттэй бүс нутгийг сурталчлах үйлсдээ ахиц гаргах зорилгоор Ерөнхий сайд Оюун-Эрдэнийг Цагаан ордонд хүлээн авч уулзлаа" хэмээн бичжээ.
Mongolia has been a reliable friend and democracy in the Indo-Pacific for three decades.
And today, I welcomed Prime Minister Oyun-Erdene to the White House to further our work to promote a free and open region, which benefits American security and prosperity. pic.twitter.com/GloViN4Aau
— Vice President Kamala Harris (@VP) August 2, 2023
