Баянхонгор аймагт Монголын Хүүхдийн спортын зуны VII наадам болно. Энэ үеэр тэмцээн уралдаанд оролцож байгаа баг тамирчдын аюулгүй байдлыг хангах үүднээс аймгийн төвийн авто замыг хэсэгчлэн хязгаарлах шийдвэрийг аймгийн Засаг дарга гаргав.
Тодруулбал, “Баялаг хотхоны уулзараас Спорт хорооны уулзвар хүртэлх”, “Их номгон дэлгүүрийн гарцаас Хөгжимт драмын театр” хүртэлх замын хөдөлгөөнийг 2023 оны 06 дугаар сарын 19-ний өдрөөс 06 дугаар сарын 29-ний өдөр хүртэлх хугацаанд 08:00 – 20:00 цагийн хооронд зорчих авто тээврийн хэрэгслийн хөдөлгөөнийг түр хязгаарлахаар болов.
