Гуравдугаар сарын хаврын тэмцээний түрүү бөх, сэкивакэ Кирибияма Б.Лхагвасүрэн маань Нацү башёгийн 12 дахь өдөр озэки Такэкэйшог ерикири мэхээр өвдөг шороодуулав. Ингэснээр түүний хувьд сүүлийн гурван тэмцээний давааны нийлбэр нь 33 болж Японы сүмогийн холбооноос тавьж буй озэки цолны болзлыг хангалаа. Үлдсэн өдрүүдэд давааныхаа тоог ахиулж Эзэн хааны цомын төлөө дайралт хийх боломж ч түүнд гарч ирэв.
Кирибияма 12 өдрийн дараагаар ёкозүна Тэрүнофүжигийн араас экс озэки Асаноямагийн хамт 10 даваа, 2 унаатай тэргүүлэгчийн хоёрдугаар эгнээнд бичигдэж яваа юм.
Эх сурвалж: MGL Sport
