Сүмогийн их аварга Хакүхо М.Даваажаргалын шавь Хокүсэйхо Э.Даваанинж дэвжээнийхээ бөхчүүдийг дээрэлхэж, хулгай хийдэг байсан нь тогтоогджээ. Эл асуудлыг Мэргэжлийн сүмогийн холбооны удирдах зөвлөлийн хурлаар хэлэлцэж, Хокүсэйхог зодог тайлуулж, сүмо бөхөөс хасахаар болсон байна.

Мөн түүний багш Хакухо Даваажаргалыг гурван сарын цалингийн 30 хувиар торгож, багшийн зэрэглэлийг хоёр шатлалаар бууруулах шийтгэл ноогдуулсан байна.

Хокүсэйхо А.Даваанинж энэ жил 22 настай бөгөөд 2023 оны долдугаар сарын башёд маэгаширагийн зургаадугаарт бичигдэж байсан юм.