Тайландын Бангкок хотод болж буй Сонирхогчийн сүмо бөхийн Азийн аваргаас шалгаруулах тэмцээнээс манай тамирчид нэг алт, хоёр мөнгө, таван хүрэл авлаа. Тодруулбал, эрэгтэйчүүдийн 100 кг-ын жинд Э.Ганболд алтан медаль хүртэж, төрийн дууллаа эгшиглүүллээ. Тэгвэл 85 кг-д Б.Мягмар, -115 кг-д Н.Ганзориг нар мөнгө,+115 кг-д Х.Наранбаяр, үнэмлэхүйд Ц.Мэндсайхан, эмэгтэйчүүдийн үнэмлэхүйд Т.Наранчимэг нар хүрэл медаль хүртэв. Мөн эрэгтэй, эмэгтэй багийн барилдаанд хүрэл медалийн эзэн болов.
Сонирхуулахад, Олон улсын сүмогийн холбооны их хурлаар мэргэжлийн сүмогийн 69 дэх их аварга Хакүхог зөвлөхөөр сонгожээ.
ЭХ СУРВАЛЖ: SPORTNEWS
