Засгийн газрын хуралдаанаас гаргасан шийдвэрийг танилцуулж байна. Энэ үеэр Эрчим хүчний сайд Б.Чойжилсүрэн "Эгийн голын усан цахилгаан станцын ажил хүнд байгаа. ОХУ Юнескод гомдол гаргасан. Ирэх зургаадугаар сард Санктпетербург дахь эдийн засгийн форум болно. Энэ үед намайг ОХУ-ын Засгийн газраас урьсан байгаа. Эгийн голын усан цахилгаан станцтай холбоотой маргаантай байгаа асуудлыг эвийн замаар шийдээд ойлголцоё гэх саналыг тавьсан. Тухайн уулзалтын үеэр тодорхой үр дүн гарах болов уу гэж найдаж байна" гэлээ.