Өнгөрсөн мягмар гараг буюу 2023.03.07-ны өдөр КУДС-ийн захирал Ж.Солонго оюутнаа зодож гэмтээсэн талаарх мэдээлэл цахим орчинд тавигдсан байдаг.
Тэгвэл дээрх мэдээлэлтэй холбогдуулан цагдаагийн байгууллагаас зөрчлийн хэрэг нээн шалгаж эхэлсэн талаар мэдээллээ. Тодруулбал, КУДС-ийн хоёрдугаар курсын оюутан 19 настай Б-г 2023.03.07-ны өдөр сургуулийн үүдээр орох гэтэл тодорхой шалтгаангүйгээр зодож биед нь гэмтэл учруулж, биеийн ил хэсгүүдэд зорви үүсгэсэн талаарх баримт бүхий зураг цахим орчинд тавигдсаныг үндэслэж цагдаагийн байгууллагаас КУДС-ийн захирал Ж.Солонгыг шалгаж эхэлжээ.
Харин хохирогч оюутан Б нь тухайн үед цагдаагийн байгууллагад гомдол гаргаагүй бөгөөд хэрэг үйлдэгдсэний дараа Шүүх шинжилгээний газарт хандан гэмтлийн зэргийг тогтоолгож дүгнэлт гаргуулж албан ёсоор цагдаагийн байгууллагад хандах ёстой байжээ.
