УУХҮ-ийн сайд Г.Ёндон шатахууны үнэ, нөөц зэргийн талаар мэдээлэл өглөө. Тэрбээр “30 хоногоос дээш бүх нөөц байгаа. АИ95, АИ98, дизель түлшийн үнэ зах зээлийн зарчмаар явж ирсэн. Үүний дагуу гадаад зах зээл дээрхи хэд хэдэн нөхцөл байдлаас шалтгаалан үнэ буурсан. Үүнтэй уялдуулан манай улсад орж ирж буй үнэд өөрчлөлт гарсан. Ингэснээр дизель түлш, АИ95 бензиний үнэ буурсан. АИ 92 шатахууны үнэ он дуустал тогтвортой байна. Бид ойрын хугацаанд Роснефть компанитай хэлцэл хийх ёстой. Хэлцэл хийж цаашид ямар томъёоллоор явахаа шийднэ. Цаашид гадаад зах зээл дээр үнэ буурвал дотоодод ч үнэ буураад явна" гэв.
