Сонгинохайрхан дүүрэг дэх цагдаагийн хэлтэст энэ оны дөрөвдүгээр сарын 10-ны өдөр бусдын амь нас хохирсонтой холбоотой дуудлага мэдээлэл иржээ. Хэргийн газрын шалгалтаар тус дүүргийн 31 дүгээр хороонд иргэн Э-ийн гэрт иргэн Б, С, Э нар нь архи согтууруулах ундаа хэрэглэж улмаар иргэн Э, С нар нь хувийн таарамжгүй харьцааны улмаас хоорондоо маргалдсан нь тогтоогджээ. Ингэхдээ иргэн С нь иргэн Э-ийн толгойн тус газарт цохиж амь насыг нь хохироон хэргийн газраас зугтаасан болохыг урьдчилсан байдлаар тогтоосон байна. Сэжигтэн С-ийг Баянгол дүүргийн нутаг дэвсгэрээс дайчлан баривчилсан ба одоогоор шалгалтын ажиллагаа үргэлжилж байгаа аж.
