Орос-Украины нөхцөл байдлаас болж Харьков хотод хүнд нөхцөлд байгаа 18 Монгол оюутан нэг иргэн аюул багатай хотруу хүргэгдэж чадахгүй байгаа талаар бид мэдээлсэн.

Тэдгээрийн төлөөллөөс нөхцөл байдлыг тодруулахад "Нөхцөл байдал үнэхээр хүнд байна. Одоогийн байдлаар 02-04 цагийн хооронд энэ хотыг дэлбэлэх пуужин хөөргөнө, маш болгоомжтой байгаарай гэсэн мэдээг авснаас хойш унтаагүй байна" хэмээн хэлж байсан юм.

Тэгвэл Харьков хотод буй Монголын оюутнууд бүгд Львов хот хүрэх галт тэргэндээ суусан байна. Тэд аюул багатай хотод хүргэгдсэний дараа хил даван, түүний дараагаар эх орондоо ирэх боломжтой юм.