ЭМЯ-наас өнөөдөр /2022.01.21/ коронавируст халдварын нөхцөл байдлын талаар ээлжит мэдээллээ хийлээ. Энэ үеэр ХӨСҮТ-ийн захирал Ц.Билэгтсайхан "Нэгдүгээр сарын 6-нд PCR болон NGS тандалтын үр дүнгээ нэгтгэн зөөвөрлөгдсөн 12, дотоодод 5 тохиолдлынх зарлаж байсан. Тэгвэл өнөөдөр NGS-ийн үр дүнгүүд нэмэгдэж гарлаа. Зөөвөрлөгдсөн 13, дотоодод тандалтын зорилгоор хийсэн шинжилгээнээс зургаан сорьцод омикрон хувилбар илэрлээ. Ингэснээр NGS шинжилгээний баталгаажуулалтаар зөөвөрлөгдсөн 25, дотоодын 11 нийт 36 тохиолдол батлагдаж байна. Нийт тохиолдлын 91 хувь нь омикрон хувилбар тархсан байна" гэлээ.