УИХ дахь Ардчилсан намын бүлэг цаг үеийн асуудлаар өнөөдөр /2022.01.03/ мэдээлэл хийлээ. Энэ үеэр УИХ-ын гишүүн Н.Алтанхуяг "Ковидын эсрэг тэмцэнэ гэх нэрийнх дор УИХ төсөв мөнгө иддэг эрхээ хуулиар Засгийн газарт өгчихсөн. Түүгээр дураараа дургиж, дунд чөмгөөрөө жиргэх шиг боллоо. Омикрон гэж яриад цар тахлын хуулийг зургаан сараар сунгалаа. Манай бүлэг тус хуулийг сунгах нь үр дүн муутай гэж үзсэн боловч дийлэнх олонхоороо шийдлээ.

Манай намд ямар ч асуудал гараагүй. Манайх нэг нам гэдэгт анхнаасаа л итгэлтэй байсан.

Монголын хоёр том баганын нэг болж явсан Ардчилсан намаар хэсэг нөхдүүд жил зургаан сар тоглож байна. Улсын Дээд шүүхийн шийдвэр оны сүүлийн өдөр гарч, Ардчилсан нам нэг талдаа байгаа гэдгийг дуртай ч, дургүй ч хүлээн зөвшөөрлөө.

Бүртгэлийн байгууллага дээр МАН-ын нөлөөллөөр ямар булхай хийгдсэн, түүнийг хэн удирдаж байгаа, УДШ-ийн тамгын газрын даргын үүрэг гүйцэтгэгч МАН-ын бүлэглэлийн гарч орсон хүн.

Сонгуультай холбоотой нь асуудал нь УИХ дээр орж ирнэ гэдгээс айсандаа өнөөдрийг хүртэл оруулж ирэхгүй байгаа. Ажлын хэсгийн дүгнэлтийг УИХ дээр оруулж ирж хэлэлцүүлэх байх. МАН төрийн байгууллагын зарим хүмүүсийг ашиглаж, яаж АН-аар тоглосон жүжгийг ил гаргаж тавина" гэв.