БНСУ-ын дунд сургуулийн сурагчид сургуулийнхаа Монгол охиныг зодож, хүчээр архи уулган, 6 цаг өрөөнд нь хорьсон ноцтой хэрэг өнгөрөгч долдугаар сард гарсан талаар БНСУ-ын MBC телевизийн мэдээгээр цацагдсан. Телевизийн мэдээний үеэр хохирогч охин сэтгэл санааны хүнд байдалтай байгаа тухайгаа хэлжээ.

Охиныг зодож, тамласан 4 охины хоёрынх нь хэргийг прокурорын байгууллагад шилжүүлсэн аж. Сурагч охины асуудалд ямар арга хэмжээ авах талаар иргэд олон нийт чих тавин хүлээж байна.

Тэгвэл ГХЯ-ны ТНБД Н.Анхбаяр БНСУ-аас Монгол Улсад суугаа Элчин сайд Ли Ё Хуныг эл асуудалтай холбогдуулан дуудаж уулзахаар болжээ.