Өнөөдөр буюу есдүгээр сарын 4-ний 19 цагийн орчимд Сүхбаатар дүүргийн 8 дугаар хорооны нутаг дэвсгэр буюу Сэлбийн гүүрэн дээр зам тээврийн ноцтой осол гарлаа. Тодруулбал, Ланд круйзер 200 маркийн автомашин явган зорчигчийг дайрч, хашлага давж гүүрнээс унасан байна. Машинд дөрвөн иргэн зорчиж явсан ба нэгнийх нь биеийн байдал хүнд байгаа аж. Мөн мөргүүлсэн явган зорчигч эмэгтэйн биеийн байдал хүнд байна.