Нийслэлийн Сонгинохайрхан дүүргийн 20 дугаар хороо, 12 дугаар байрны дэргэд гүний худагт хүн унасан тухай дуудлага өчигдөр буюу наймдугаар сарын 18-ны өдөр Онцгой байдлын албанд бүртгэгджээ. Нийслэлийн Аврах ангийн алба хаагчид очиход Сонгинохайрхан дүүргийн 33 дугаар хороонд оршин суугч 53 настай эрэгтэй Б согтууруулах ундаа хэрэглэсэн үедээ гурван метр гүнтэй гүний худагт унасан байсныг 20 минут ажиллан аварч гаргаж, НЯТТТ-ийн эмчид хүлээлгэн өгсөн. Худагт унасан иргэний баруун хөлний өвдөг, гуя хугарсан байдалтай байжээ.