"Эрдэнэт үйлдвэр"-т ээлжит томилгоо хийгджээ. Тодруулбал, тус үйлдвэрийн Хамтын ажиллагаа, нийгмийн асуудал хариуцсан орлогч захирал Д.Дэлгэрбаярыг чөлөөлж, Ц.Бат-Энхийг томилсон байна. Хуулийн дагуу "Эрдэнэт үйлдвэр" ТӨҮГ-ийн Ерөнхий Захирал Х.Бадамсүрэн уг шийдвэрийг гаргахын тулд Төрийн Өмчийн Бодлого, Зохицуулалтын Газартай зөвшилцөх учиртай. ТӨБЗГ хүлээн зөвшөөрсөнөөр уг томилгоо хийгджээ.
Ц.Бат-Энх нь 1996 онд "Монгол бизнес" дээд сургууль төгссөн. "Симба" корпорацийн дэд захирал, Нийслэлийн Өмчийн Харилцааны газрын дэд дарга, Зам Тээвэр, Аялал Жуулчлалын Яамны Төрийн Нарийн Бичгийн Дарга, "Эрдэнэт" үйлдвэрийн Ерөнхий захирлын орлогч, МАН-ын Нарийн Бичгийн Даргаар ажиллаж байсан юм.
