Биткоины дараа дэлхийн хоёр дахь том криптовалют болох ethereum-ийг үндэслэгч Орос-Канадын иргэн, 27 настай программист Виталик Бутерин тэрбумтнуудын эгнээнд нэгдлээ. Тэрбээр 2013 онд 19 настайдаа ethereum-ийг зохион бүтээж, 2015 онд зах зээлд гаргажээ. Одоо түүний дижитал хэтэвчинд 333,500 этер хадгалагддаг. Өчигдөр  уг криптовалютын ханш түүхэн дээд хэмжээндээ хүрч, нэг бүр нь 3500 ам.доллартай тэнцсэн байна. Ингэснээр Бутерины хөрөнгийн хэмжээ 1.1 тэрбум гаруй ам.доллар болсон байна.