Ардчилсан намын Үндэсний бодлогын хороо маргааш хуралдаж, Ерөнхий нарийн бичгийн даргаа жинхлэх, таван дэд даргаа сонгох асуудлыг хэлэлцэнэ. Үүнтэй холбоотойгоор тус нам доторх бүлэг, фракцууд өнөөдөр тус тусын уулзалт, хурлуудаа хийж байгаа юм.
Тэгвэл нэр бүхий 10 гишүүн нийлж "Ардчиллын сэргэлт" холбоог байгуулжээ. Тодруулбал, УИХ-ын гишүүн Д.Жаргалсайхан, Б.Түвшин, А.Ганбаатар, Д.Энхтуяа, Д.Ганбат, Х.Болормаа, Г.Хосбаяр, П.Батчимэг, Ц.Баатархүү, О.Амгаланбаатар нар тус холбоонд багтсан байна.
