Улсын төсвийн 11.2 тэрбум төгрөгийн хөрөнгө оруулалтаар СХД-ийн дүүргийн 34 дүгээр хороонд 25 метр урт, таван зам бүхий усан бассейн, боулинг, фитнесийн тоног төхөөрөмж, coffee shop болон 62 автомашины зогсоолтой "Усан спорт сургалтын төв" ашиглалтад орж, нээлтээ хийлээ.

Тус дүүргийн гуравдугаар хороонд ашиглалтад орсон “Хөл бөмбөгийн талбай бүхий спорт цогцолбор”, 17 дугаар хороонд 2013 онд ашиглалтад орсон Усан спорт сургалтын төв, 34 дүгээр хороонд 2026 оны хоёрдугаар сард ашиглалтад “Усан спорт сургалтын төв”-ийг дүүргийн иргэдийн Төлөөлөгчдийн хурлын 2025 оны 42 дугаар тогтоолоор “Спорт цогцолбор” болгон нэр, дүрэмд өөрчлөлт оруулсан байна.

Тус төвийн нээлтийг тохиолдуулан Нийслэлийн Засаг дарга бөгөөд Улаанбаатар хотын Захирагч Х.Нямбаатарын нэрэмжит нээлттэй усанд сэлэлтийн тэмцээнийг зохион байгуулж байна. Тэмцээнд 17 клубийн 286 тамирчин хурд хүч, авхаалж самбаагаа сорин өрсөлдөж байгаа юм.