Өнөөдөр УИХ-ын ээлжит бус чуулганаар Боловсролын сайд П.Наранбаяр болон Эрчим хүчний сайд Б.Чойжилсүрэн нарыг чөлөөлж, тэдний оронд шинэ сайд нарыг томилох асуудлыг Ерөнхий сайд Г.Занданшатар танилцуулах билээ. Одоогоор сайд нарын нэрс тодорхой болоогүй байгаа боловч ЗГХЭГ-ын дарга С.Бямбацогтын зүгээс засагт хамтарч буй намуудтайгаа зөвшилцөх тухай агуулгыг ч илэрхийлсэн байдаг. Тэгвэл үүнтэй холбоотойгоор өчигдөр ХҮН намын УЗ хуралджээ. Хуралдаанаар Эрчим хүчний сайдад Б.Найдалаа, ХҮН намын зөвлөлийн дарга П.Ганзориг нарын нэрийг ярьжээ. Улмаар эл нэрсээ Ерөнхий сайдад ч танилцуулаад байгаа аж.