НИТХ-ын дарга А.Баяраар ахлуулсан Шуурхай баг өнөөдөр буюу шинийн 1-ний өдөр ачаалал ихтэй газруудад Замын хөдөлгөөний удирдлагын төвөөс тодорхой зохицуулалтыг хийж ажиллах юм.

Мөн энэ өдөр 08:00–20:00 цагийн хооронд замын хөдөлгөөний нөхцөл байдлыг олон нийтэд тасралтгүй шууд дамжуулан хүргэх гэж байна. Ингэснээр иргэд олон нийт замын хөдөлгөөний бодит мэдээллийг цаг алдалгүй авч, ачаалал багатай замыг сонгон зорчих боломж бүрдэх юм.

Үүнээс гадна баярын өдөр үүрэг гүйцэтгэж байгаа цагдаа, онцгой байдал, эмнэлгийн цаг үеийн мэдээллийг хүргэх юм.

Мэдээллийг Zogii.mn, Ubn.mn, newsroom.mn, ergelt.mn, reelnews.mn, asu.mn, mand.mn, Newswire.mn, Elive.mn, Graph.mn, Arslan.mn, Focusnews.mn болон МҮОНР, Авто радио шууд дамжуулна.