Монгол Үйлдвэрчний эвлэлийн холбооноос мэдээлэл хийлээ. Тэд өнгөрөгч онд Засгийн газартай хийсэн цалин хөлс нэмэгдүүлэхтэй холбоотой хэлэлцээр биелэхгүй байгаа талаар байр сууриа илэрхийллээ. Энэ үеэр БШУ-ны ҮЭХ-ны дарга З.Цогтгэрэл "Цалин буухгүй байгаа шалтгаан нь батлагдсан төсөв нь хүрэхгүй буюу өмнөх оны төсвөөсөө буурч ирж байгаатай холбоотой. 50 хувийн нэмэгдэл, үр дүнгийн урамшууллууд хасагдсан гэдгийг багш нар хэлж байна" гэв.