Иргэд, ууланд явахдаа эрүүл мэндийн эрсдэлд орж, цаашлаад амь насаа алдсан тохиолдол мөн гарах болжээ. Тодруулбал, өчигдөр буюу арванхоёрдугаар сарын 21-ний өдөр Сэлэнгэ аймагт самарт явсан гэгдэж байсан иргэний цогцос олджээ. Түүний цогцсыг Ерөө сумын Нэвшээ гэх газраас олсон бөгөөд талийгаач суурь өвчтэй байсан байна. Хэргийг Мандал сум дахь сум дундын цагдаагийн хэлтэст шалгаж, талийгаачийн үхлийн шалтгааныг тодруулахаар ажиллаж эхэлжээ.