Эдийн засгийн байнгын хороо хуралдаж байна. Хуралдаанаар Монголбанкны 2024 оны санхүүгийн тайланг хэлэлцэж байгаа юм. Энэ үеэр УИХ-ын гишүүн О.Батнайрамдал "Хуримтлалын нэгдсэн сангаас нэмэлт эх үүсвэр орж ирэхгүй бол энэ жилдээ хэдэн төгрөгийн ипотекийн зээл гарах боломжтой вэ" гэж асуулаа. Түүний асуултад Монголбанкны Ерөнхийлөгч Б.Лхагвасүрэн "Оны төгсгөл хүртэл Хуримтлалын сангаас мөнгө орж ирэхгүй бол 200-300 тэрбум төгрөгийн л боломж байна. Өшөө нэмж чадахгүй" гэв.