УИХ-ын Эдийн засгийн байнгын хороогоор Монголбанкны 2024 оны санхүүгийн тайланг хэлэлцэж байна. Энэ үеэр УИХ-ын гишүүн, ЭЗБХ-ны дарга Р.Сэддорж "Энэ хүнд үед тэтгэврийн зээлээр битгий оролдоод байгаач ээ. Заавал ингэж чангалах гээд байдаг нь ямар учиртай юм бэ. Ахмадууд ач, зээ нартаа тэтгэврээ өгөхөө өөрөө мэднэ дээ" гэж шүүмжиллээ.

Харин Монголбанкны Ерөнхийлөгч Б.Лхагвасүрэн "Тэтгэврийн зээлд авсан арга хэмжээг хуучин хэвэнд нь оруулах асуудлыг 6-р сард хуралдах Мөнгөний бодлогын хороогоор хэлэлцэж шийдвэрлэнэ" гэж хариуллаа.