УИХ-ын Хууль зүйн байнгын хороогоор Ерөнхий прокурор Б.Жаргалсайханыг улираан томилох асуудлыг хэлэлцэж, дэмжлээ. Энэ үеэр УИХ-ын гишүүн Ц.Сандаг-Очир "Х.Баттулга Ерөнхийлөгч байхдаа Ц.Элбэгдоржийг шалгуулах материалыг прокуроруудыг бүрэн бүрэлдэхүүнээр нь суулгаж байгаад өгч байсан. Тэгэхэд "Үгүй ээ, тийм зүйл байдаггүй юм" гэх байдлаар асуудалд хандаж байсан. Танд ингэж хөндлөнгөөс хандаж байсан уу" гэж асуув.

Харин Ерөнхий прокурор Б.Жаргалсайхан "Прокурорууд өргөсөн тангарагтай. Бүгдээрээ өргөсөн тангарагтаа үнэнч ажиллаж байгаа. Өнгөрсөн хугацаанд ямар ч НӨЛӨӨ байгаагүй" гэх хариуг өгсөн юм.