Баянзүрх дүүргийн 26-р хороо Их Монгол, Дүнжингарав худалдааны төвийн авто замын уулзварт томоохон хэмжээний гал гарсан. Тэгвэл 60 тонн газ тээвэрлэж явсан жолооч "Р"-ийг сэжигтнээр баривчлах зөвшөөрлийг шүүхээс олгосон байна. Тодруулбал,

"Тээврийн Прокурорын газраас 2024 оны 01 дүгээр сарын 24-ний өдрийн 18 цаг 45 минутад Р-ийг сэжигтнээр баривчлах тухай саналыг Баянзүрх дүүргийн Эрүүгийн хэргийн анхан шатны шүүхэд ирүүлснийг хүлээн авч хянаад сэжигтэн Р-ийг “оргон зайлсан, эсхүл мэдэгдэх хуудсаар дуудахад оргон зайлах үндэслэл байгаа бол” гэх үндэслэлээр 2024 оны 01 дүгээр сарын 24-ний өдрийн 19 цаг 58 минутаас эхлэн сэжигтнээр баривчлах зөвшөөрөл олгов" гэж БЗД-ийн ЭХАШШ-ээс мэдээллээ.