Энэ мэдээ хуучирсан буюу 2023/12/29-нд нийтлэгдсэн мэдээ болно.

ҮАБЗ-ийн нарийн бичгийн даргаар Ерөнхийлөгчийн зөвлөх А.Бямбажаргалыг томиллоо

Ангилал
Улс төр
Огноо
Унших
1 минут 36 секунд

ҮАБЗ-ийн нарийн бичгийн даргаар ажиллаж байсан Ж.Энхбаяр үүрэгт ажлаасаа чөлөөлөгдөж Ерөнхийлөгчийн Аюулгүй байдал, улс төрийн зөвлөхөөр томилогдож байгаа талаар бид өмнө мэдээлсэн.

Тэгвэл дараагийн ҮАБЗ-ийн нарийн бичгийн даргаар ажиллах хүн хэн байх бол гэсэн хүлээлт дуусгавар боллоо. Тодруулбал ҮАБЗ-ийн нарийн бичгийн даргаар Ерөнхийлөгчийн зөвлөх А.Бямбажаргал томилогдох аж. А.Бямбажаргал нь Монгол Улсын их сургуулийн Хууль зүйн сургуулийг Эрх зүйч мэргэжлээр төгсч, 2007-2009 онд Монгол Улсын их сургуулийн Хууль зүйн сургуульд Хууль зүйн ухааны магистрын зэрэг хамгаалсан. БНСУ-ын Күкминий их сургуулийн Хууль зүйн сургуульд Хууль зүйн ухааны докторын зэрэг хамгаалж байжээ.

Нарийн бичгийн дарга нь Зөвлөлийн үндсэн чиг үүрэгт хамаарах асуудлаар дараах үүргийг биелүүлнэ:

-Судалгаа хийх, үнэлэлт дүгнэлт гаргах, шийдвэрийн үндэслэлийг боловсруулах, шийдвэрийн биелэлтэд хяналт тавих ажлыг зохион байгуулна;

-Зөвлөлийн гишүүд бүрэн эрх, чиг үүргээ хэрэгжүүлэхэд нь туслах, Зөвлөлийн гишүүдийг үндэсний аюулгүй байдлын талаарх судалгаа, мэдээллээр хангах дотоод ажлыг эрхэлнэ;

-Зөвлөлийн тэргүүн, гишүүдээс өгсөн чиглэл, зөвлөлийн шийдвэрийн дагуу үндэсний аюулгүй байдлыг хангах үйл ажиллагааг уялдан зохицуулах асуудлаар холбогдох байгууллага, албан тушаалтанд үүрэг даалгавар өгч, биелэлтэд хяналт тавина.

АН-ын гишүүн Д.Мөнх-Эрдэнэд Ерөнхийлөгч уучлал үзүүлж, суллагдахаар боллоо
АН-ын гишүүн Д.Мөнх-Эрдэнэд Ерөнхийлөгч уучлал үзүүлж, суллагдахаар боллоо
 
Ц.Цолмон: Өнөөдөр орсон уулын цас хайлж уруйн үер бууж болзошгүй
Ц.Цолмон: Өнөөдөр орсон уулын цас хайлж уруйн үер бууж болзошгүй
АНХААРУУЛГА: Уншигчдын бичсэн сэтгэгдэлд UBN.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. !
UBN.mn сайтын редакц