Ерөнхий сайд Л.Оюун-Эрдэнэ өчигдөр Дархан-Уул аймагт ажилласан бөгөөд энэ үеэрээ Эрдэнэт үйлдвэрийн 49 хувийн худалдан авалттай холбоотой схемийг иргэдэд танилцуулсан юм. Тэрбээр "2016 оны 6 сарын 20-нд 283 сая ам.доллар Аж үйлдвэрийн яамнаас зээлээр, Монголбанкнаас зузаатгал хэлбэрбээр гарч, иргэн Пүрэвтүвшингийн данс руу шилжсэн байдаг. Хоёрдугаарт, Кью Эс Си ХХК тэргүүтэй дөрвөн компаниар дамжиж 56.5 сая ам.доллар Пүрэвтүвшингийн данс руу шилжсэн. Кью Эс Си ХХК-иас дахин 62.9 сая ам.долларыг шилжүүлж төрөөс 72.4 хувийг бүрдүүлж УИХ сонгуультай байх үед Эрдэнэтийн 49 хувийн асуудал шийдэгдсэн. Үүнээс бүлэглэл ямар хүчтэй вэ гэдэг нь харагдаж байна" гэв.