“Улаанбаатар 2023” Зүүн Азийн залуучуудын спортын наадам 4 дэх өдрөө үргэлжилж байна. 3х3 сагсан бөмбөгийн төрөлд монголчууд алт, хүрэл медаль хүртсэн амжилттай тэмцээнээ өндөрлүүлсэн бөгөөд өнөөдөр их сагсан бөмбөгийн тоглолтууд UG Arena-д эхэлнэ.

Тодруулбал, 15:00 цагаас Монгол, Тайванийн эрэгтэй багууд, 17:00 цагаас Монголын эмэгтэй шигшээ Хонконгийн баг, 19:00 цагаас Хонконг, Макаогийн эрэгтэй багууд анхны тоглолтоо хийхээр болжээ.

Дашрамд сануулахад, одоогийн байдлаар Монголын нийт баг тамирчдын үзүүлсэн амжилтаас дурдвал:

Алтан медаль

• Жүдо бөхийн эмэгтэйчүүдийн 44 кг-Тогтбаатарын Отгонжаргал
• 3х3 сагсан бөмбөг-Монголын эрэгтэй шигшээ баг

Мөнгөн медаль

• Жүдо бөхийн эрэгтэйчүүдийн 55 кг-С.Мөнх-Оргил

Хүрэл медаль

• Жүдо бөхийн эмэгтэйчүүдийн 63 кг-Х.Маралмаа
• Жүдо бөхийн эрэгтэйчүүдийн 60 кг-Б.Мөнгөнхуяг
• Жүдо бөхийн эмэгтэйчүүдийн 52 кг-Т.Ариунзаяа
• 3х3 сагсан бөмбөг-Монголын эмэгтэй шигшээ баг
• Боксын эрэгтэйчүүдийн 67 кг-Б.Очирдарь нар амжилт үзүүлээд байгаа билээ.