АТГ-аас нүүрсний хэргийн талаар мэдээлэл хийх үеэрээ УИХ-ын нэр бүхий гишүүдийг яллагдагчаар татсан талаар мэдээлсэн байдаг. Тэгвэл уг асуудлаар шалгагдаж буй УИХ-ын гишүүн Т.Аюурсайханы хэргийг шүүхэд шилжүүлэх саналтай прокурорын байгууллагад хүргүүлжээ.
Энэ талаар АТГ-аас "А нь Улсын Их Хурлын гишүүнээр сонгогдон, Авлигын эсрэг хуулийн 4 дүгээр зүйлийн 4.1.1-д хамаарах нийтийн албан тушаалтнаар ажиллаж байхдаа эрх мэдэл, албан тушаалын байдлаа урвуулан ашиглаж өөртөө, бусдад давуу байдал бий болгосон байж болзошгүй, мөн үндэслэлгүйгээр хөрөнгөжсөн, мөнгө угаасан гэх" хэргийг шүүхэд шилжүүлэх саналтайгаар прокурорын байгууллагад хүргүүлсэн" гэлээ.
