БНСУ-ын Сөүл хотын Итэвонд болсон Халлевүүний баярын үеэр 154 хүн харамсалтайгаар амиа алдсан. Тэгвэл цагдаагийн байгууллагаас ослын шалтгааныг тогтоохоор гэрчүүдийн мэдүүлэг болон камерын бичлэгт дүн шинжилгээ хийж эхэлжээ.

Үндэсний мөрдөн байцаах газрын дарга Нам Гу Жүн "Бид 475 хүний ​​бүрэлдэхүүнтэй тусгай мөрдөн байцаах баг байгуулж, ослын нөхцөл байдлыг нүдээр харсан гэрчүүдийг шалгаж, камерын бичлэгт дүн шинжилгээ хийж байна. Өчигдөр буюу ням гарагт 44 гэрчтэй уулзаж, хэргийн газрын эргэн тойронд 42 газарт 52 ширхэг хяналтын камерын бичлэг хийсэн. Мөн олон нийтийн мэдээллийн хэрэгслээр тавигдсан видео бичлэгүүдийг шалгаж байна. Одоогоор эрүүгийн хариуцлага хүлээлгэх үйлдлүүд илрээгүй" гэв.

Зарим хүмүүс цугласан олны дунд бусдыг түлхэж, үймээн самуунд хүргэсэн гэх мэдээллийн талаар түүнээс тодруулахад "Гэрчүүд өөр өөр мэдээлэл өгсөн, бид нөхцөл байдлыг цаашид нягтлан шалгах болно" гэж хариулжээ.

Мөн тэрбээр задлан шинжилгээ хийх шаардлагагүй бөгөөд талийгаачдын гэр бүлийнхнээс хүсэлт ирүүлээгүй байгаа. Талийгаач нарын нэр төрийг гутаан доромжилж, тэдний хувийн мэдээллийг задруулсан тохиолдолд хатуу тэмцэнэ" гэжээ.

Нам мөн талийгаачийн нэр төрийг гутаан доромжилж, тэдний хувийн мэдээллийг задруулсан тохиолдолд хатуу тэмцэхээ амлав.