Ирэх мягмар гараг буюу зургадугаар сарын 14-ны өдөр бүх нийтээр амарна. Бүх нийтээр тэмдэглэх баяр болон тэмдэглэлт өдрүүдийн тухай хуульд зааснаар Монголчууд жилд есөн удаа энэ өдрүүдэд амардаг. Энэ хүрээнд одоогоор таван баяр тэмдэглэх үлджээ. Тодруулбал, УИХ-ын хуралдаанаар "Нийтээр тэмдэглэх баярын болон тэмдэглэлт өдрүүдийн тухай хууль"-д өөрчлөлт оруулсны дагуу Бурхан багшийн Их дүйчин өдөр буюу зуны тэргүүн сарын шинийн 15-ныг баярын өдөр, бүх нийтийн амралтын өдөр болгон өөрчилсөн.

Дээр дурдсанчлан зургадугаар сарын 14-нд бүх нийтээр амарна. Үүний дараа Үндэсний их баяр наадмаар буюу долдугаар сарын 11-нээс 20-ныг хүртэл ес хоног амрах юм. Үүний дараа арваннэгдүгээр сарын 24-ний өдөр болон 26-нд Их Эзэн Чингис хааны өдөр, Бүгд найрамдах улс тунхагласны баярын өдрөөр тус тус амарна. Мөн арванхоёрдугаар сарын 29-нд Үндэсний эрх чөлөө тусгаар тогтнолоо сэргээсний баярын өдөр тохиох юм.