Өнгөрөгч дөрөвдүгээр сарын 11-ний өдөр морь унаж явсан 11 настай хүү мориноосоо унаж, гэмтлээ даалгүй нас барсан хэрэг гарчээ. Тус хэргийн талаар ЦЕГ-ын хэвлэл мэдээллийн төвөөс тодруулахад "Дөрөвдүгээр сарын 11-ний өдөр Багахангай дүүрэг дэх цагдаагийн хэлтэст дүүргийн эмнэлэгт мориноос унаж ухаан алдсан хүүхэд хүргэгдэн ирсэн гэх мэдээлэл бүртгэгджээ. Дуудлагын дагуу цагдаагийн байгууллага очиход мориноос унасан хүү нас барсан байсан. Тус хэргийг Багахангай дүүрэг дэх цагдаагийн газар шалгаж байна. Шалгалтын ажиллагаа үргэлжилж байгаа" гэх мэдээллийг өглөө.