Ёс зүйн жилийн хүрээнд "Сайдад и-мэйл бичээрэй" 14 хоногийн аяныг энэ оны хоёрдугаар 01-14-ний өдрүүдэд БШУЯ-аас зохион байгуулсан. Эцэг эх, асран хамгаалагчид, багш ажилтнууд, оюутан сурагчдаас 1052 саналыг БШУ-ны сайд Л.Энх-Амгаланд ирүүлжээ. Ирүүлсэн захидлын 577 нь ёс зүйн зөрчил, харилцаа хандлагын доголдол, ялгаварлан гадуурхалттай холбоотой байжээ.

Захидлыг ангилбал,

• Сургуулийн орчин дахь үе тэнгийнхний дээрэлхэлт
• Боловсролын удирдах ажилтны ёс зүй, хүний нөөц, байгууллагатай холбоотой
• Багш, ажилтан – сурагч, оюутан - эцэг эх, асран хамгаалагчдын хоорондын үл ойлголцол
• Суралцах орчны аюулгүй байдал
• Тусгай хэрэгцээт хүүхэд, тэдний асран хамгаалагчдад тулгарч буй бэрхшээл
• Сурах бичиг сургалтын хөтөлбөр, агуулгатай холбоотой
• Ёс зүйн зөрчлийг арилгасан сайн туршлага гэсэн дэд хэсгүүдэд багцлав.

Захидлын

• 52 хувийг эцэг эх, асран хамгаалагч
• 28 хувийг салбарын багш, ажилтан
• 12 хувийг сурагч
• 8 хувийг оюутнууд ирүүлсэн байна.