Нийслэлийн хэмжээнд Эрүүл мэндийн байгууллагын аюултай хог хаягдал устгалын төвлөрсөн байгууламж болох Элемент ХХК, Элемент медикал ХХК-д энэ оны есдүгээр сарын 03-ны өдрийн байдлаар 187 эмнэлэг, эм хангамжийн байгууллага, 36 тусгаарлан ажиглах байр, 13 сорьц цуглуулах, түргэвчилсэн оношилгооны цэг, 7 дархлаажуулалтын түр цэг, Буянт-Ухаа боомт дахь ХМХА зэрэг нийт 243 цэгээс 13500.6 кг хог хаягдал тээвэрлэж, цуглуулсан байна.

Цуглуулсан 13500.6 кг хогийг устгаснаас 12001.4 кг хогийг халдваргүйжүүлсний дараа булж, 1499.2 кг хог хаягдлыг зууханд шатааж устгасан байна. Дээрх үйл ажиллагаанд 16 тээврийн хэрэгсэл, 56 хүн ажиллажээ.