Засгийн газрын өнөөдрийн /2022.10.19/ ээлжит хуралдаанаар гарсан шийдвэрийг холбогдох албаныхан танилцуулсан. Энэ үеэр ЗГХЭГ-ын дарга Д.Амарбаясгалан Мэргэжлийн Хяналтын Ерөнхий Газрыг татан буулгах шийдвэр гарсан талаар мэдээллээ. Улмаар салбарын хяналтыг салбар бүрийн яамд өөрсдөө хариуцах юм.

Мэргэжлийн Хяналтын Ерөнхий Газар нь 20 жилийн хугацаанд 26 чиглэлээр хяналт хийж үйл ажиллагаа явуулсан, 1,600 гаруй албан хаагчтайгаас гадна мэргэжлийн яамдад давхардсан тоогоор 1,400 байцаагч мэргэжлийн хяналтын үйл ажиллагааг явуулж байгаа аж. Засгийн газрын зүгээс хувийн хэвшил, бизнес эрхлэгчдийн зүгээс төр давхардсан хяналт шалгалтаар бидний үйл ажиллагаанд хүндрэл учруулж байна гэх гомдолд үндэслэн уг шийдвэрийг гаргажээ.