Солонгосын үндэсний Ширим бөхийн тамирчин КИМ МИН ЖЭ өнөөдөр манай улсад бууна. Тодруулбал, тэрбээр өнөөдөр шөнө буюу долоодугаар сарын 15-ны 02:45 цагт Чингис хаан ОУНБ-д газардах ба Архангай аймгийг зорино. Түүний хувьд Physical Asia шоуны оролцогч гэдгээрээ олон нийтэд танигддаг болсон ба энэ удаа "Ара" фестивалын хүрээнд зохион байгуулагдаж байгаа ОУ-ын үндэсний бөхийн тэмцээн болох ARA POWER CUP-д оролцох зорилготой ирж байгаа юм.
