Засгийн газрын ээлжит хуралдаан өнөөдөр боллоо. Хуралдаанаас ирэх тавдугаар сарын 1-нээс багш, ажилчдын цалингийн нэмэгдлийг үндсэн цалингаас тооцож олгох шийдвэрийг гаргасан талаар Боловсролын сайд Л.Энх-Амгалан мэдээлсэн. Энэ үеэрээ тэрбээр салбарын нөхцөл байдалтай холбоотойгоор "Хуучин цалингаас нэмэгдлүүдийг нь тооцож олгоно гэдэг П.Наранбаяр сайдын шийдвэр сайн багш нарын урмыг хугалсан. Багш, ажилчдын цалинг 50 хувь нэмэхэд 618 тэрбум төгрөгийг баталж өгсөн ч хэрэгжүүлэх шатанд Төсвийн тухай хууль зөрчигдсөнөөс болж манай салбар ХОЁР ЦАЛИН-тай болсон" гэв.
