Ерөнхий сайд асан Л.Оюун-Эрдэнэ өнгөрөгч Лхагва гарагт "Лхагвын тойм" ярилцлагын нэвтрүүлэгт орох үеэрээ ХЗДХ-ийн сайд Б.Энхбаярыг “Бодь” группээс 500 мянган ам.доллар авсан тухай сонссон талаараа дурдсан байдаг. Тэгвэл эл мэдээлэлтэй холбоотойгоор ХЗДХ-ийн сайд Б.Энхбаяр "Бодиос 500 мянган ам.доллар, төд удалгүй 1.5 сая ам.долларын хахууль авсан гэх илт худал үгийг Л.Оюун-Эрдэнэ улайхгүй яриад сууж байна. Гүтгэлэг гэдгээ энэ хүн өөрөө мэдэж байгаа. Л.Оюун-Эрдэнэ "Манай намд нүүрсний сонсголыг хийх хүн чамаас өөр байхгүй" гэж хэлээд ХЗДХ-ийн сайдаар урьж ажиллуулсан" гэв.
