16 настай охин болон 32 настай эмэгтэйн амь насыг онц ноцтойгоор хохироосон хэргийн шүүх хурал 2 дахь өдрөө хаалттай үргэлжилж байна. Шүүхийн гадна хэргийг үнэн зөвөөр шийдвэрлэж өгөхийг хүссэн иргэд цуглаад байгаа юм. Тэгвэл талийгаач Ч.Шинэсаран охины нагац эгч Д.Нарантуяа хэвлэлд яриа өгөх үеэрээ хэрэгт холбогдолтой 14 минутын бичлэг байгаа гэдгийг дурдав. Ингэхдээ "Өмгөөлөгч, прокурорууд шүүхээс илүү хүчтэй байдаг юм байна. 14 минутын бичлэг байгаа шүү дээ. Бид баримт ярина. Баримтгүй зүйл дээр хүний хүүхдийг гүтгэхгүй шүү дээ" гэв.