Өргөдлийн байнгын хороо хуралдаж байна. Хуралдаанаар Монгол Улсын 2026 оны төсвийн хүрээний мэдэгдэл, 2027-2028 оны төсвийн төсөөллийн тухай хуульд өөрчлөлт оруулах тухай хуулийн төсөл /Засгийн газар 2025.09.01-ний өдөр өргөн мэдүүлсэн, хоёр дахь хэлэлцүүлэг, санал, дүгнэлтээ Төсвийн болон Эдийн засгийн байнгын хороонд хүргүүлнэ./ хэлэлцэж байна. Энэ үеэр УИХ-ын гишүүн С.Эрдэнэбат "Нийгмийн даатгал, ЭМД-ын мөнгө чинь ТӨРИЙН МӨНГӨ БИШ. Ард иргэд өөрсдөө татвар, шимтгэлээ төлөөд буцаагаад түүнийг хэрэглэж байгаа л мөнгө" гэв.