Эдийн засгийн байнгын хороо хуралдаж байна. Хуралдаанаар Монголбанкны 2024 оны санхүүгийн тайланг хэлэлцэж байгаа юм. Энэ үеэр УИХ-ын гишүүн Ж.Алдаржавхлан "Орон сууцны үнэ айхтар өсөж байна. Хаанаас ийм их төлбөрийн чадвартай хүмүүс гарч ирж байрны худалдан авалт хийгээд байна. Эсвэл ипотекийн зээлийн олголттой холбоотой байгаад байна уу" гэж асуув. Түүний асуултад Монголбанкны Ерөнхийлөгч Б.Лхагвасүрэн "521.9 тэрбум төгрөгийн зээлийг 4.2 мянган өрхөд олгоод байна. Мөнгөн дүн нь өсөж байгаа ч байранд орж буй хүний тоо нь багасаж байгаа хандлага бий. Орон сууцны үнэ өмнөх онтой харьцуулахад 13 ХУВИАР ӨСӨӨД БАЙНА" гэв.