УИХ-ын Эдийн засгийн байнгын хороогоор Монголбанкны 2024 оны санхүүгийн тайланг хэлэлцэж байна. Энэ үеэр УИХ-ын гишүүн Д.Энхтүвшин "Монголбанк зарим талаараа ЗГ-тай хавсарч ажиллаад байгаа. Тэтгэврийн зээлийг тэглэхтэй холбоотойгоор Эрдэнэс бондыг ЭРСДЭЛТЭЙ буюу шатлал-3 руу оруулсан байна. 850 орчим тэрбум төгрөгийн зээлийг яах бодолтой байна" гэж Монголбанкны Ерөнхийлөгчөөс асуулаа.

Үүнд Монголбанкны Ерөнхийлөгч Б.Лхагвасүрэн "Бондын хугацаа нь дууссан учраас Эрсдэлийн санг байгуулсан. ЗГ-ын тогтоол гарсан учраас энэ зээл ТӨЛӨГДӨНӨ гэж харж байгаа" гэж тайлбарлалаа.